Cerita Paskah dalam Dialek Kupang (2)


POS KUPANG/
REDDY NGERA

DISALIB--Seorang pemuda
memerankan tokoh Yesus
yang disalibkan dalam tablo
Jumat Agung di Kupang,
Jumat (10/4/2009) lalu



Pengantar
PASKAH tahun 2009 telah dirayakan oleh umat Nasrani di berbagai belahan dunia ini. Dan, berbagai kisah sengsara Yesus hingga kebangkitannya telah menjadi temah dalam bebagai perayaan paskah tersebut.

Cerita tentang Yesus Kristus pun telah diterjemahkan dalam berbagai bahasa di dunia. Cerita tentang Yesus dalam bahasa Kupang pun kini bisa didapat oleh warga Propinsi Nusa Tenggara Timur (NTT). Berikut kutipan kisah tentang Yesus Kristrus

Carita So'al Paska
Kutipan dari Injil Markus Bahasa Kupang (2)

Hak cipta untuk teks bahasa Kupang berada pada Unit Bahasa dan Budaya, Jl. Perintis Kemerdekaan, Kota Baru, Kupang, Nusa Tenggara Timur, 85228 Indonesia. Illustrasi oleh Dr. Farid Faadil. International Bible Society. Dipakai atas izin.

ABIS itu, dong pegang bawa sang Yesus pi di kapala agama Yahudi pung bos be`sar pung ruma. Di situ, orang be`sar-bsar dong su bakumpul. Andia, kapala agama dong pung bos-bos, guru agama dong, deng tua-tua adat. Waktu dong pegang bawa sang Yesus tu, Petrus ju ada iko sambunyi-sambunyi dari balakang, sampe di kapala agama Yahudi pung bos be`sar pung ruma. Dia ju maso di kintal, ko iko dudu panggang api sama-sama deng orang jaga yang ada di situ.

Di dalam itu ruma, kapala agama dong pung bos-bos ada ba'omong deng orang-orang yang dudu di pangadilan agama. Dong samua cari bukti ko mau kasi sala sang Yesus, tagal dong mau hukum mati sang Dia. Ma dong sonde dapa bukti apa-apa.
Ju dong pange ame banya saksi ko mau kasi jato sang Yesus. Ma dong pung omong tu, sonde bacocok satu deng satu.

Ais ada barapa saksi lai yang bangun badiri ko omong putar-balek, bilang, "Botong ada dengar ini orang omong, bilang, Nanti Beta kasi rubu Ruma Sambayang Pusat yang orang dong kasi bangun deng tangan. Abis tiga hari lai, nanti Beta kasi bangun ulang itu Ruma, ma sonde pake manusia pung tangan." Ma dong pung omong tu, sonde bacocok satu deng satu.

Ais kapala agama Yahudi pung bos be`sar tu, bangun badiri di muka samua orang yang dudu di itu pangadilan. Ju dia tanya sang Yesus, bilang, "Banya orang su kala'k sang Lu. Ma, akurang ko Lu diam sa?"

Yesus sonde omong sadiki ju. Ais kapala agama Yahudi pung bos be`sar tanya ulang sang Dia, bilang, "Coba Lu kasi tau dolo! Apa memang Lu ni, bat·l-bat·l Kristus, Tuhan Allah pung Ana yang Dia su janji dari dolu tu?"

Yesus manyao, bilang, "Memang bat·l. Dia tu, andia Beta ni. Nanti bosong samua dapa lia Beta, Manusia Tulen ni, dudu di sorga di Tuhan Allah pung sabla' kanan. Dia yang pung kuasa paling hebat! Nanti Beta deng Dia sama-sama pegang parenta! Abis itu, nanti Beta turun dating dari sorga, deng awan."

Dengar Yesus omong bagitu, ju kapala agama Yahudi pung bos be`sar mara mo mati, sampe dia ru'i bekin tarobe dia pung baju panjang. Ais dia batarea kasi tau samua orang yang dudu di pangadilan tu, bilang, "Kotong sonde parl· saksi lai! Bosong su dengar deng bosong pung talinga sandiri, Dia sandiri yang omong bagitu, to? Dia su angka diri jadi Tuhan Allah pung Ana. Ini hojat bara't! Iko atoran agama, kalo ada orang bekin diri sama deng Tuhan, itu orang musti mati! Jadi sakarang, bosong mau putus, bilang, apa?"

Ju dong samua putus, bilang, "Ini orang memang bat·l sala! Jadi, dia musti kana' hukum mati!"
Papagi sakali, samua orang di pangadilan tu, basakongkol ko mau bekin mati sang Yesus. Ais dong ika bawa sang Dia pi mangada sang gubernor Pilatus.

Waktu dong sampe di gubernor, dia so'al sang Yesus, bilang, "Karmana? Bat·l Lu ni, orang Yahudi pung Raja, ko?" Yesus manyao, bilang, "Bat·l. Pak gub su omong bat·l tu." Ais kapala agama Yahudi dong pung bos-bos ba'omong deng gubernor, bilang, "Ini orang su bekin sala sonde sadiki!" Ju dong kasi tau Dia pung sala-sala dong, satu-satu.

Ais gubernor tanya ulang sang Yesus, bilang, "Lu sonde dengar dong pung omong tu? Dong su kasi sala bam-banya sang Lu. Coba Lu balas dolo!"
Ma Yesus sonde manyao apa-apa, sampe itu gubernor taheran-heran.

Tiap taon, kalo orang Yahudi dong bekin pesta Paska, orang banya dong biasa pili satu orang bui, ko gubernor kasi lapa's sang dia. Itu waktu, ada satu orang bui, nama Barabas. Tagal itu pesta Paska su deka-deka, andia ko banya orang pi di gubernor Pilatus ko batarea, bilang, "Pak gubernor! Hari Paska su datang! Kalo bisa, na, pak gub tolong kasi lapßs satu orang bui sama ke biasa!"

Ais gubernor manyao, bilang, "Naa! Beta mau kasi lapa`s sang sapa? Karmana kalo beta lapa`s bosong orang Yahudi pung Raja ni? Bosong satuju, ko?"

Gubernor omong bagitu, padahal dia su tau kapala agama Yahudi dong pung bos-bos ada bawa sang Yesus kasi dia, tagal dong ada binci talalu sang Yesus. Ma itu bos-bos agama tusu-tusu itu orang banya dong, ko dong samua minta sang gubernor, bilang, "Botong sonde mau sang Dia! Kasi lapa`s sang Barabas sa!"

Ais gubernor tanya ulang, bilang, "Kal0o bagitu, beta musti bekin apa sang Yesus, yang dong pange sang Dia, "Raja orang Yahudi' ni?"
Ju dong samua batarea rame-rame, bilang, "Bekin mati sang Dia sa! Paku Dia di kayu palang!" Ais, gubernor tanya, bilang, "Ko Dia pung sala apa? Beta su pareksa sang Dia, ma beta sonde dapa Dia pung sala apa-apa!"

Ma dong samua batarea lebe karßs lai, bilang, ôBekin mati sang Dia! Paku Dia di kayu palang suda!"
Tagal gubernor mau bekin sana`ng orang banya dong pung hati, andia ko dia lapa`s sang Barabas, iko dong pung mau. Ais dia parenta orang jaga dong, ko pi firuk sang Yesus pake cambuk. Firuk abis, ju tantara dong ame bawa sang Yesus, ko mau pi paku bekin mati sang Dia di kayu palang

Abis itu, tantara dong hela bawa sang Yesus di dong pung kintal be`sar. Di situ, dong pange ame dong pung tamßn satu batalyon. Ju dong kasi pake sang Yesus satu baju panjang warna ungu sama ke raja dong biasa pake. Abis, dong ame pohon baduri pung takis ko mala'e bekin topi. Ju dong tendes itu topi baduri pi Yesus pung kapala, ko bekin maen-maen sama ke dong mau angka raja baru pake topi jabatan.

Ju dong samua kasi hormat maen-maen sang Dia, deng bilang, "Tabe raja orang Yahudi!"
Ju dong sangaja tondo kasi hormat di Yesus pung muka. Ais dong sumbur luda ulang-ulang di Dia pung muka. Ais dong kadeluk ulangulang sang Dia deng kayu. Dong barmaen abis sang Dia, ju dong buka buang itu baju panjang. Ju dong kasi pake ulang Dia pung pakean. Ais ju, dong bawa sang Dia pi kaluar kota Yerusalem, ko pi paku tagantong sang Dia di kayu palang sampe mati.

Dong hela bawa sang Yesus sampe di satu tampa, nama Golgota. (Dia pung arti, bilang, "tampa tulang kapala")
Di situ, dong mau kasi minum sang Yesus anggor asam yang su campor deng obat, ko biar Dia bisa tahan saki. Ma Yesus sonde mau minum.

Ais dong paku malenggang sang Yesus di kayu palang. Ju dong kasi badiri itu kayu palang, kira-kira jam sambilan pagi. Ju tantara dong hela lot ko mau tau sapa yang dapa Yesus pung pakean. Ais dong tulis di satu papan, ko paku di Yesus pung atas kapala, bilang, Ini, orang Yahudi pung Raja.

Dong pake itu alasan ko hukum sang Yesus
Di situ, dong ju paku kasi mati dua orang parampok. Satu di Yesus pung sablß kanan; satu di Dia pung sabla` kiri.
Kapala agama Yahudi dong pung bos-bos deng guru agama dong ju olok sang Yesus, deng ba'omong, bilang, ôDia su bekin salamat orang laen, ma sonde bisa bekin salamat Dia pung diri sandiri!

Dia subu Dia pung diri, bilang, "Kristus, andia Orang yang Tuhan Allah su janji memang dari dolu. Orang laen bilang, Dia ni orang Isra'el pung Raja. Kalo bat·l bagitu, na, biar Dia turun dari kayu palang ko kotong lia dolo. Bagitu, baru kotong bisa parcaya sang Dia."

Itu dua orang yang tagantong sama-sama deng Yesus di kayu palang, ju iko olok sang Dia.Abis itu, gala`p gulita tutu ame itu tampa dari tenga hari sampe jam tiga sore. Pas jam tiga sore ju, Yesus batarea pake bahasa Aram, bilang, "Eloi! Eloi! Lema sabaktani?" (Dia pung arti, bilang, "Beta pung Tuhan! Beta pung Allah, e`! Akurang ko Papa bale balakang kasi tenga sang Beta bagini?")

Ada barapa orang deka-deka di situ dengar Yesus pung suara tu. Ju dong bilang, "Hoi! Bosong dengar dolo. Dia ada pange sang Elia, Tuhan pung jubir dolu tu!" Ais satu orang lari-lari pi ame lumut ko calo`p maso pi dalam anggor asam.

Ju dia tusu itu lumut deng ujung tongkat, ju sorong pi Yesus pung bibir ko Dia isap. Ais, itu orang omong, bilang, "Tunggu ko kotong lia coba!
Sapa tau nanti Elia datang ko kasi turun sang Dia dari itu kayu palang."

Abis Yesus batarea ulang lai, ju Dia mati.
Di Ruma Sambayang Pusat, ada satu gorden ba`sar tagantong ko pele Tuhan Allah pung Kamar Paling Barisi. Parsi`s Yesus pung putus napas, ju itu gorden tarabe putus bagi dua, dari atas sampe bawa.

Di Golgota, ada satu komandßn jaga yang badiri deka Yesus pung kayu palang. Waktu dia lia Yesus pung mati, dia takuju. Abis dia bilang, "Awii! Ini Orang ni, memang bat·l-bat·l Tuhan Allah pung Ana, o`!"

Abis itu, ada satu orang cari jalan ko mau kasi turun Yesus pung mayat dari itu kayu palang. Itu orang pung nama Yusuf. Dia dari kota Arimatea. Deng dia ju anggota majelis di pangadilan agama Yahudi. Dia pung hati bae. Deng dia ada tunggu-tunggu Tuhan Allah pung parenta datang.

Yesus pung mati tu, pas deng hari Jumat. Dia pung beso kana` deng orang Yahudi dong pung hari sambayang. Andia ko itu hari Jumat tu, Yusuf mau kasi turun lebe dolo Yesus pung mayat. Ais dia bekin barani dia pung hati, ko pi minta Yesus pung mayat di gubernor Pilatus. Waktu gubernor dengar Yusuf minta bagitu, ju dia heran. Ais dia bilang, "Awii! Ko itu orang su mati bagitu capa`t! Beta kira sonde mungkin bagitu, o`!"

Ju dia suru orang ko pi pange itu komanda`n, ko dia tanya, bilang, "Karmana, e`? Yesus tu, su mati, ko balo`m?" Itu komanda`n manyao, bilang, "Dia memang su mati dari tadi, bapa."

Gubernor dengar bagitu, ju dia kasi isin sang Yusuf ko pi ame bawa Yesus pung mayat. Ais Yusuf pi ba`li kaen panjang yang mahal. Tar·s dia pi di Golgota. Ju dia kasi turun Yesus pung mayat dari kayu palang. Dia ju bungkus baebae itu mayat deng itu kaen baru. Itu waktu, dong baru abis pahat ame satu kubur di gunung batu. Ju dong koko kasi maso Yesus pung mayat pi dalam itu lobang kubur.

Tar·s, dong guling ame satu batu plat yang be`sar, ko dong tutu bae-bae di itu kubur pung pintu. Ju Yusuf dong pulang. (bersambung)


Pos Kupang Minggu, 26 April 2009, halaman 11

0 komentar:

Posting Lebih Baru Posting Lama Beranda